e-fasteignir

e-fasteignir

Seljum sjálf

Með e-fasteignum selur þú þína fasteign sjálf(ur) og greiðir enga söluþóknun til fasteignasölu.

Verðskrá e-fasteigna er aðgengileg hér. Aðeins er innheimt gjald fyrir gjaldskyldar aðgerðir, svo sem þegar sótt er þinglýst skjal hjá sýslumanni. Slíkt uppflétti er í dag gjaldskylt í gegnum HMS, sem þjónustar sýslumannsembættin. Að öðru leyti er notkun hugbúnaðarins frí.

Samstarfsaðilar

Kaupsagan – Hvað kostar eignin?

Kaupsagan vaktar auglýsingavefsvæði og býður aðilum að bera auglýsingasögu fasteignar saman við þinglýsta kaupsamninga.

Auk þess veitir Kaupsagan aðgang að viðbótargögnum, svo sem þinglýstum lánum, leigusamningum og kaupsamningum. Öll opinber- og þinglýst gögn sem tengjast viðkomandi eign eru aðgengileg með beinum hætti.

Kaupsöguna má finna hér á vefsvæði e-fasteigna og eru upplýsingar uppfærðar daglega í samræmi við nýjustu skráningar hjá HMS.

Rafrænt verðmat Kaupsögunnar

Rafrænt verðmat Kaupsögunnar er einstaklega nákvæmt og aðgengilegt strax án nokkurs kostnaðar. Hugbúnaðarútreikningurinn byggir á traustum gögnum um nýleg fasteignaviðskipti í nágrenni við eignina, með greiningu á sambærilegum eignum og leiðréttingu fyrir markaðsþróun. Verðmatið veitir þannig marktæka nálgun á hugsanlegt markaðsverð fasteignar að teknu tilliti til stærðar, staðsetningar og annarra lykilþátta. Nánari upplýsingar má finna hér.

Í hnotskurn þá byggir rafræna verðmatið á sjálfvirkri öflun gagna frá opinberum aðilum eins og Húsnæðis- og mannvirkjastofnun, þinglýsingaskrá hjá sýslumannsembættum og Þjóðskrá Íslands, þar sem tekið er mið af stærð, tegund, staðsetningu og byggingarári eignar. Næst er leitað að sambærilegum fasteignum í nágrenninu sem hafa selst á síðustu fimm árum og uppfylla tiltekin skilyrði um aldur og tegund. Öll kaupverð eru leiðrétt með vísitölu fasteignaverðs til að tryggja samanburðarhæfni yfir tíma. Gögn sem skera sig úr eru útilokuð með tölfræðilegum aðferðum til að koma í veg fyrir áhrif útlaga. Ef eignin hefur áður verið seld og verðið fellur innan viðeigandi frávikamarka miðað við svæðisbundin gögn, er það verð metið marktækt og fær aukið vægi í verðmati. Þannig næst sem réttust mynd af áætluðu markaðsverði eignarinnar út frá staðbundnum og samanburðarhæfum sölum, sjá nánar hér.

Verðmat tiltekinna fasteigna er hluti af Kaupsögunni sem er aðgengileg öllum á vefsvæði e-fasteigna.

Aðgangur fyrir fasteignasölur

Fasteignasalar geta nýtt sér kerfi e-fasteigna án áskriftargjalds í sinni daglegu vinnu. Margar fasteignasölur velja að greiða fyrir slíkan aðgang fyrir sína starfsmenn, en nú er það ekki lengur nauðsynlegt. Kerfið er fullbúið sölu- og skjalakerfi fyrir fasteignasala, með öllum nauðsynlegum tengingum til að auglýsa eignir, sækja og útbúa nauðsynleg skjöl og sinna öðrum mikilvægum verkefnum. Sækja um aðgang – án skuldbindinga. Athugið: Ef þú ert sjálfstætt starfandi, skráðu þitt nafn og kennitölu sem umsækjanda.

Aðgangur fyrir fasteignafélög og fyrirtæki

Fyrirtæki og fasteignafélög sem eiga fasteignir og vilja selja þær sjálf geta nýtt sér kerfi e-fasteigna til að auglýsa eignir og útbúa nauðsynleg skjöl á einfaldan og skilvirkan hátt. Kerfið veitir fullkomið utanumhald og allar nauðsynlegar tengingar fyrir fasteignaviðskipti, án þess að krafist sé áskriftargjalds. Með því að sækja um aðgang geta fyrirtæki haft fulla stjórn á sölumeðferð eigna sinna, allt frá auglýsingu til samningsgerðar. Sækja um aðgang – án skuldbindinga.

Rafræn og örugg tilboðsgerð

Markmið e-fasteigna hefur frá upphafi verið að tryggja gegnsæi og einfaldleika í fasteignaviðskiptum. Með okkar rafræna kauptilboðsferli geta kaupendur og seljendur tekið upplýstar ákvarðanir, með öllum nauðsynlegum skjölum aðgengilegum á einum stað. Aðilar setja fram greiðslutilhögun og í framhaldi er undirritað rafrænt, án kostnaðar, með fullkomnu gegnsæi og öryggi.

Með e-fasteignum færðu aðgang að rafrænu kauptilboðsferli þar sem tilboðsgjafar geta kynnt sér öll skjöl áður en þeir leggja fram kauptilboð. Öll samskipti og skjöl eru skjalfest á öruggan hátt, sem tryggir hraðari og skilvirkari viðskipti. Með öruggri rafrænni undirritun og einföldu umsýslukerfi er kauptilboðsferlið þægilegra en nokkru sinni fyrr.

Skoðaðu fasteignir til sölu þar sem hægt er að gera rafræn kauptilboð.

Skráðu þína fasteign til sölu og bjóddu aðilum að senda þér rafræn kauptilboð.

SELJUM SJÁLF

Skráðu fasteignina þína til sölu

Skrá fasteign